أتعرف على Pixar Animation Studios


طول عمرنا بنتفرج على افلام animation، ومعظمها بيشد الناس كلها بغض النظر عن سنهم، لأن الافلام دى رغم أنها بيكون هدفها الأول للأطفال، لكنها ممكن تخاطب كل الأعمار،لكن مش كتير بيفكروا ايه اللى ورا الافلام دى، ايه هى العقول العبقرية والايادى المبتكرة اللى طلعتلنا افلام بالروعة والإبداع ده كله؟؟!!فى شركات كتير جدا بتنتج الافلام ال animation، ممكن نقول أن أشهرها باختصار هى شركات : Pixar أكبر شركة منتجة للنوع ده، واللى ابهرتنا بأفلام عظيمة زى Toy story و Finding Nemo،

 

وشركة Dreamworks اللى أنتجت سلسلة Shrek اللى حطمت أرقام عالية جدا،

وغيرهم زى Sony و Paramount .

لكن انهارده هنتكلم عن اكبر الشركات دى وهى

 

Pixar Animation Studios

images (21)

بدأت شركة Pixar سنة 1979 كمجموعة صغيرة لمصممي الجرافيكس، لحد ما أسسها Steve Jobs صاحب شركة Apple سنة 1986، ومقرها فى California ،و اشترتها شركة Walt Disney سنة 2006 ب 7.5 مليار دولار.

تعتبر شخصية Luxo Jr هو الشخصية المميزة وواجهة الشركة، طبعا مع كرة بيكسار المميزة اللى بتظهر فى افلام كتير من الشركة،

images (20)

نزل ليها 16 فيلم سينمائي، بداية من Toy story سنة 1995 اللى كان سبق كبير للشركة فى الوقت ده، ف هو يعتبر أول فيلم انيمشن طويل، وحقق نجاح كبير جدا باجزاءه التانية سنين 1999 و 2010، وطبعا الجزء المنتظر جدا سنة 2017،

images (22)

و حتى فيلم Inside Out السنة دى واللى حقق أرقام قياسية كبيرة جدا حتى أنه مع toy story 3 و Up ضمن قائمة أكبر 50 فيلم تحقيقا للايرادات فى التاريخو على فكرة ال 16 فيلم اللى انتجتهم بيكسار حصلوا على تقييمات عالية جدا، فكان أقل تقييم هو ( A-)،

 

 

حصدت ستوديوهات بيكسار جوايز كتير جدا منها :

Academy Awards 15

Golden Globes 7

Grammy Awards 11

وغيرهم كتير.

 

 

معظم افلام Pixar اترشحت للاوسكار، منهم 7 فازوا بيها كأفضل فيلم انيمشن، واللى ما قدروش يفوزوا بيها هم Cars و Monsters INC،

و فى 3 افلام انيمشن فقط فى التاريخ اللى قدروا يدخلوا فى ترشيحات الأوسكار  لأحسن فيلم Best Picture، وهم Up و Toy story 3، و معاهم فيلم من شركة ديزنى وهو Beauty and the beast سنة 1991.

سنة 2009 تم تكريم John Lasseter و Lee Unkrich و Pete Doctor و Andrew Stanton فى Venice Film Festival، باعتبارهم حققوا إنجاز تاريخى بانتجاهم لشركة بيكسار.

George+Lucas+John+Lasseter+Disney+Pixar+Receiving+K1fq-_wrgbLl

 

و فى الموضوع اللى جاى هنتكلم عن احسن 10 افلام Animation تم إنتاجهم فى التاريخ،

تابعوا معانا.

 


Seif Aldin

Advertisement