الفرق بين انواع ال USB وسرعة كل نوع منهم


كتير مننا لما بنشتري فلاشة او هارد اكستيرنال مش بناخد بالنا من لون ال usb او لون كايبل الهارد ولو اخدنا بالنا مش بنركز اوي ولكن كل لون منهم بيدل على نوع وجيل ال usb في بعض منهم ليه مميزات اضافية غير بس مجرد نقل البيانات .

نبدأ مع أول نوع او أول جيل وهو usb 1.x او usb 1.1

White-Type-A-USB-1-plug
ظهر الجيل الأول من usb 1.x في سنة 1996 وكان فيها مشاكل كتير في الكايبلز وبقت مستقرة من ناحية المشاكل مع ظهور 1.1 سنة 1998 بدأت تنتشر ال usb و كانت سرعة نقلها للبيانات 12mpbs او (1.5 ميجا في الثانية ) .

بعدها في سنة 2001 ظهر الجيل التاني

Black-Type-A-USB-2-plug

انتشرت بشكل سريع نظراً لأنها كانت احسن من سابقتها وثباتها في نقل البيانات كان احسن وكانت بتقدر تشحن اي جهاز ليه مدخل usb ب 100 milliamps و أقصى معدل نقل بيانات ليها هو 60 ميجا او 480mpbs .

ظهر الجيل التالت سنة 2009

Blue-Type-A-USB-3-plug

ودي اللي كلنا بقينا تقريباً شبه متآلفين عليها (واللي تقريباً بقت شبه خلصانة من المحلات طول الوقت وخصوصاً ال 16 جيجا )

ممكن نقدر نقول ان هنا في نقطة تغيير جذرية

اقصى سرعة نقل للبيانات كانت كبيرة جداً 4.8Gpbs او 614.5 ميجا في الثانية وبتدعم النقل منها وليها في نفس الوقت قدرتها على الشحن وصلت ل 900milliamps وبتدعم الشحن السريع على العكس من كل الأجيال اللي قبلها اللي مكانش فيها حتى جزء من المميزات دي .

في نوع تاني من usb 3.0 وهو

Red-Type-A-USB-sleep-and-charge-plug

ودا ليه خاصية تانية وهو الشحن اثناء وضع ال sleep او ال stand by سواء كان النوع دا في اللابتوب او ال PC ديسكتوب وهو نوعه 3.0 (بيختلف اللون في بعض الأحيان بيبقى اصفر او احمر . الاتنين بيأدوا نفس الوظيفة )

بعدها ظهر جيل جديد وهو usb 3.1 وهنتكلم عنها وعن usb type -c في ارتيكل تانية


Islam Quantum

Tech guy, love anime, music, movies, comics, quantum mechanics, manga , technology , gamer . Simply this is my world 😃

Advertisement