الفرق بين انواع ال USB وسرعة كل واحد منهم الجزء الثاني


في المقال اللي فات اتكلمنا عن أنواع ال usb والفرق بين كل نوع  منهم وسرعاتهم المختلفة

الفرق بين انواع ال USB وسرعة كل نوع منهم

في المقال دا هنتكلم عن نوع مش مشهور اوي  بس بدأ ينتشر في الفترة الأخيرة : اكتر نوع مشهور من كابﻻت ال usb وهو type A اللي كلنا بنستعمله في فلاشاتنا او كابل usb

4ssd

بس دا مش النوع الوحيد في نوعين تانيين (او عشان يكون الرقم دا دقيق هما 3 مش 2 بس التالت تبع شركة آبل -هيتم شرحه في المقال دا – فممكن نعتبره من الأشقاء الجدد لأنواع ال usb ) .

النوع التاني وهو usb type B

USB-3.0-Stecker_(Typ_B)

 

بيتم إستعماله عادةً في الطابعات و في منه sub 1.1 او usb 2.0 او usb 3.0 وبيستعمل في ربط بوردة اردوينو بالكمبيوتر .

 

في نوع تاني وهو usb Type-C واللي بدأ ينتشر من فترة قريبة لأن في موبايﻻت بدأت تستعمله كبديل لكابل micro usb القديم نوعاً ما

USB_Type-C_image_option_A

usb type-C بيعتمد على usb 3.1 وهو احدث جيل في ال usb وسرعته بتوصل ل 10 جيجابت/ث او ( 128 ميجابايت /ث ) والموضوع مش بس مجرد سرعة نقل بيانات

 

Type-C Cable_0

usb type-C بيغني عن كل الكابلات دي تماماً هو بيقوم بدورهم كلهم  ودي السبب اللي بيخلي شركات كتير تتجه لإستعماله بدل من انها تستعمل اكتر من كابل (للي يحبو يجربوه بﻻش تشتروه من محلات رخيصة لأن معظم الكابلات دي عندهم بتبقى مضروبة -الفترة اللي فاتت كان في مشاكل كتير بسبب مشكلة ان الكابل دا حد بيشتريه من مكان مش موثوق فيه وبيبهدل اجهزته- يُستحسن اي حد يشتريه من ستورز محترمة وليها اسم كبير في السوق عشان يبقى مضمون منهم على الاقل ) .

نيجي للكبير واللي المفروض انه يُنازع usb type-C في الفترة الجاية : thunderbolt

thunderbolt_ethernet

HT3382_7-mdp_vga_connector--001-mul

الكابل دا مُصمم لمنتجات آبل فقط وميزته انه بيتم توصيل الادابتر بالباور سوكيت او ال usb والناحية التانية ممكن اوصله ب HDMI cable او كابل نت او حتى كابل serial port .

كابل thunderbolt بينقسم لجيلين  thunderbolt, thunderbolt 2  سرعة الجيل الأول بتوصل لسرعة usb 3.1 وهي 10 جيجابت/ث اما سرعة الجيل التاني فهي عدت بمراااااااحل الجيل الأول( ومش هتكون مبالغة لو قولت انها علمت على )usb 3.1 سرعة الجيل التاني بتوصل 20 جيجابت/ث أو ( 256 ميجا بايت /ث -وممكن تتخطى السرعة دي في بعض الأحيان-).

في تعاون بين شركة إنتل و آبل و بعض الشركات التانية عشان يقدروا يعمموا إستعمال كابل thunderbolt لبقية الأجهزة نظراً لأمانها و سرعتها وكفاءتها بس لسه مفيش اي شئ حصل جديد (ناس بالهم طويل اوي يا خال 😀 ) .

 


Islam Quantum

Tech guy, love anime, music, movies, comics, quantum mechanics, manga , technology , gamer . Simply this is my world 😃

Advertisement