انميمقالات

تسع فنانيين استعانوا بالانيمي في اغانيهم.


احنا سمعنا مغنين بيرموا علينا كلمات جيا من انيمي في كلمات الاغاني بتاعتهم, او بيعملوا كوسبلاي بسيط في حفلاتهم. ولكن, بعض الفنانين بيعدوا و بيعتنقوا الجانب الاوتاكو اللي جواهم في الكليبات بتاعتهم.

ادي بعض المغنيين المشهورين اللي هما يا صنعوا مشاهد, يا استخدموا لقطات بجد موجودة, او عملوا انيمي جديد في الكليبات بتاعتهم.

1-  دافت بانك

دافت بانك تعاونوا مع بطلهم منذ الصغر ليجي ماتسوموتو (مبتكر نسور الفضاء) ليصنعوا فيلم عن الالبوم الثاني ليهم, Discovery, وكان اسمه “Interstella 5555: The 5tory of the 5ecret 5tar 5tysm”. الانيمي كسب معجبين كتير من المشاهدين العاديين والنقاد.

2-  مايكل جاكسون

مايكل جاكسون تعاون مع المخرج الغنائي المشهور مارك رومانك لScream“. تعتبر من الفيديوهات القليلة اللي مايكل جاكسون ماسهمش بعملها, فاستخدتم انيمي Zillion و Akira .تعتبر فكرة رومانك Scream كانت من اوائل الكليبات البوب اللي استخدمت انيمي فيها.

3- كانيي ويست

كانيي ويست مش مخبي سر بانه مهووس بالانيمي. كانيي دخل في مشاجرات عبر تويتر بيدافع بيها عن Akira بسبب انه بيقول ان Akira احسن فيلم انيمي على الاطلاق, ده كمان كان مشغل هنتاي في الباكجراوند اثناء سماعه للالبوم بتاعه Graduation. اما في اغانيه, الفيديو كليب بتاعه Strongerكان فيه ريميك لقطة لقطة من مشاهد في Akira.

4- فاريل ويليمز

فاريل ويليمز في الكليب بتاعه It Girlطلع حرفيا الاوتاكو اللي جواه, بانه مليان إيحاءت  من انيميات ومانجا متعددة. وعمل برضه ريميكس ل Last Night, Good Night (Re:Dailed) لهاتسوني ميكو.

5- زا وييكند.

زا وييكند بيعرف ازاي يخفي قواه الاوتاكوية. هو حط شوية إيحاءات من انيمي Fate/Stay night للسينجل بتاعه Coming Down“. زا وييكند برضه من تحت لتحت يستخدم صرخة راميَل من  Evangelionلاغنيته الشهيرة “The Hills”. ولكن في مرة اتزحلقت منه وورى حبه النيردي في الكليب بتاعه زا كيس لاند.

6- ليل اوزي فيرت

لو انت متابع اوزي على مواقع التواصل الاجتماعي, هتعرف انه مش مكسوف بانه ينشر حبه للمانجا وللانيمي. هو قلب على انيمي بالزيادة, في الكليب بتاعه “Ps & Qs”, اللي ظهرت فيها انيميات كثيرة. ده الراجل عمل حتى AMV, فـ ليه نقط زيادة الصراحة.

7- لينكن بارك.

لينكن بارك بيحبوا يحطوا إحاءات لانيمي في اغاني بتاعتهم. ده غير  ان اغنيتهم الشهيرة “Breaking the Habbit” اللي عمل الانيمشن بتاعها هو الاستوديو جونزو (اللي عمل Hellsing, Full Metal Panic) ده غير كمان ان بانداي عملت مجسم لجاندام على هيئة لينكن بارك وكانت بتتوزع مع الالبوم بتاعهم A Thousand Suns في اليابان.

8- ماثيو سوييت

ماثيو كان ضخم في شهرته في اوائل التسعينات اثناء الازدهار لل Alternative Rock و كان اول فنان امريكاني استخدم انيمي في الكليبات بتاعته. “Girlfriend” بتستخدم لقطات من Space Adventure Cobra: The Movie و I’ve been Waitingبيستخدم لقطات من Urusai Yatsura. المعجبين بتوعوا قلوا في امريكا جامد, ولكن هو ماذال عنده العديد من المعجبين في اليابان.

9- بورتر روبينسون.

طبعا مش هننسى الفنان اللي فاجئنا سنة اللي فاتت بتحفته الفنية Shelter“. بورتر حرفيا من المعروفين جدا بحبه للانيمي والعاب الفيديو. ده احب اقولكوا ان الحاجات دي هي اللي نجحته. بدايته كان هو بيصنع اغاني للعبة الشهيرة Dance Dance Revolution. بيحب يحط عناصر من الانيمي والثقافة اليابانية بطريقة كثيفة في الاغاني بتاعته. معظم الاغاني بتاعته بورتر بيقول انها كانت موضع الهام حبه للالعاب الMMO.

“Shelter” مكنتش اول مشروع ليه بالشكل ده. في ديسمبر 17, 2012 نزل كليب باسم Easyبتعاون مع Mat Zo, وفضلت اسبوعين واخدة المركز الاول في الBeatbort Top 100 (عاملة زي الBillboard’s chart بس للاغاني والموسيقى).

من كتر حبه للانيمي جه روبينسون حب يِدخل الاستوديو الانيمي العظيم A-1 Pictures عشان يمسكوا المشروع الجديد بتاعه ويحولوه لفيلم صغير, وفي اغسطس 11, 2016 نزلت Shelterبتعاون مع الموسيقار Madeon.

Shelter” عملت ضجة كبيرة على الانترنت؛ مجتمع الاوتاكو حبوها جدا, وحتى اللي بيحبوا الموسيقى برضه عجبتهم جدا, وبمساعدة A-1 Pictures, عملوا شغل هائل في الانيميشن والرسم, خلت الاغنية بقى ليها روح وتحكيلك قصتها بطريقة اقل كلمة تتقال عليها هي رائعة. فعلشان كده اقدر اقول ان بورتر روبينسون اوتاكو مع مرتبة الشرف!


X