انميمقالات

هل الانيمي بيكسب فلوس؟


مجال صناعة الانيمي ممكن يكون صعب ومعقد في الاول. فعندك تركيز الاستديوهات والمانجاكا في الهاريم والموى, والنهايات اللي غير مرضية. وغزو الوايفوز اللي الواحد مش عارف اوله من اخره.

من انيمي Danna ga Nani o Itteiru ka Wakaranai Ken

بس سؤال واحد اللي بيقف عليه معجبين الانيمي القدام هما ازاي بيكسبوا فلوس؟ مرات كتيرة شوفنا ناس داخل المجال ده بيقولوا ان صناعة الانيمي بتتراجع او عملية القرصنة حرفيا بتقتل المجال ده فعلا.

فيلا ناخد جولة ازاي هما بيكسبوا فلوس, وان ازاي الانيمي بيخش جوا المعادلة دي. تخيل ان ده حاجة زي كورس ليك بيديك المبادىء, وان شاء الله يساعدك تفهم ليه الانيمي بيعمل الحاجات اللي بيعملها حاليا دي.

انيميات الاطفال والانيميات العائلية بتكسب ذهب.

من انيمي Sazae-san

دي ممكن تكون صدمة ليك, بس الانيمي اللي انت بتتفرج عليه مش بيكون في التيار, او مش مشهور اوي غير لما يكون معمول للاطفال والعائلات.

الانيمي اللي فعلا ناجح بييتزاع في الاوقات اللي مبين الساعة 8 الصبح والساعة 9 بالليل. برامج زي دورايمون, المحقق كونان, بريتي كيور, ون بيس, و سازاي-سان عندهم قبول اكتر للاطفال والعائلات اليابانية. مش بس الناس بتروح وبتتفرج عليهم على التليفزيون, لا دول كمان بيشتروا المنتجات والعناصر الاساسية بتاعتهم. الطلب الكتير ده من المعجبين بيرجع حق ال100+ حلقة الانيمي بينتجه.

انيميات زي سورد ارت اونلاين, و اتاك اون تايتن, بتساعد في تضخيم مجال صناعة الانيمي برضه, للعلم ان الانيميات دي مش للاطفال خالص. المفتاح هنا هي المنتجات. غير الPVC figures والHug Pillow, البرامج المشهورة دي هتبيع ازياء, Action Figures وعرائس, فولدرات, اغلفة, مجوهرات, وتغليفات للاكل محدودة الصنع (مش بهزر والله).

قلة اهمية الانيميات الليلية.

من انيمي Spice and Wolf

معظم الانيميات اللي بيتفرج عليها المجتمع حول العالم هي “الانيميات الليلية”. البرامج دي بتتذاع  مبين الساعة 11 بالليل والساعة 4 الفجر في اليابان. وبتكون تقييماته قليلة جدا والمشاهد الياباني المتوسط هتلاقيه ولا عارف اساميهم ولا شافهم قبل كده.

علشان تقييماتهم بتكون قليلة على التليفزيون, فبياخدوا فلوسهم من البلو-رايز والدي-في-ديز, واحيانا المنتجات التانية, زي العرائس وما شابه.

سبب ده كله, ان اوقات الشغل والمدارس بتاخد من حياة الانسان الطبيعي الياباني. متوسط اوقات الشغل للعاملين بتكون 12 ساعة, فمش بتخلي وقت فاضي ان حد يقدر يتفرج على كل الانيميات, حتى لو مسجلها.

ده غير اوقات المدارس والاشغال الكتيرة اللي التلامذة بيمروا بيها. بعيدا عن الاجازات, تلامذة اليابان بياخدوا يوم الاحد بس راحة (علشان كده بتلاقي الاحد بيبقى مليان بحلقات كتيرة من الانيمي).  ولكن, اشغالهم في الدراسة, والنوادي, وحياتهم العامة, بتاخد من وقتهم جامد فمش بتخليهم يقدروا يتفرجوا على انيمي في اوقات متاخرة.

مش هيتبقى غير جمهور الاوتاكو, اللي بيدوا وقت من عندهم علشان يسهروا لمتاخر علشان يتفرجوا على الانيمي. من الاخر, افضل انيمي ليك مش بيجيب اي فلوس من اذاعته على التلفيزيون, بس هي دي الخطة من البداية.

معظم الانيمي بيعتبروا اعلانات.

من انيمي Gintama

يعتبر مش سر للمعجبين اليابانيين. الانيميات اللي بتتذاع في اوقات متاخرة, معادا اللي بيتذاعوا على برنامج نويتامينا على قناة فوجي, علطول هتكون اعلان.

ميزانية الانيميات الليلية المتوسطة بتتراوح من 2 مليون ل4 مليون دولار لمسلسل بحاله فتعتبر صغيرة, وبتكون متصنعة على كده. ولو انت ملاحظ, هتلاقي ان من احد اعضاء لجان الانتاج, هتلاقي القناة اللي معروض عليها البرامج, هي من احدى اللجان دي.

ومن اعضاء اللجان برضه موزعين المانجا والروايات, وشركات الموسيقي, والاعلانات العامة (زي بيتزا هات في كوود جياس). الاعضاء دول مش فارق معاهم نسبة المشاهدة على التليفزيون او مبيعات الدي-في-ديهات القليلة, علشان هما مش عاوزين يبيعولك الانيمي اصلا.

موزعين المانجا والروايات, بيستخدموا الانيمي كنوع من انواع الدعاية للعنصر بتاعهم. لو الناس مش بيتفرجوا على الانيمي, بس مبيعات العناصر بتاعتهم بتزيد على مدار اذاعة الانيمي, هما هيكونوا فرحانين. شركات الاغاني بيركزوا على مبيعات الالبومات بتاعتهم, ودعاية للايدولز (زي Love Live!).

لما مانجا او رواية يخلصوا, احتمالية ان الانيمي يجيلوا جزء تاني بتكون معدومة.علشان كده لحد دلوقتي مفيش اي خبر عن جزء تاني لبليتش علشان المانجا خلصت في 2016, ده الا لو حبوا يعملوا Remake بعد كام سنة قدام, لو حبوا يعرفوا الناس الجديدة عن المانجا, من الاخر هتفضل مستني طول عمرك.

الانيميات اللي مش متاخدة من اي عنصر خاص مش هربانة من الليلة دي كمان, علشان في وقت من الاوقات هتتاخد كمانجا ورواية. ولكن بيبقى ليهم حرية من نحية كتابة القصة.

المجنون في الموضوع ان بيزنس زي ده فعلا ناجح وشغال. في 2014, مجال صناعة المانجا كسب حوالي 282 مليار ين (يعني مل يراوح 2.3 مليار دولار) في اليابان بس. مجال صناعة الانيمي كسب حوالي 242 مليار ين (يعني ما يراوح 1.9 مليار دولار) في 2013 من اليابان والاسواق العالمية مع بعض.

طيب والاستوديوهات؟

من انيمي Bakuman

 

ستوديوهات الانيمي يعتبروا متعهدين. لما لجنة الانتاج تتشكل ويحددوا الانيمي اللي هيعملوا, هيدوروا على انيمي استوديو ويعرضوا عليهم فرصة بانهم يشتغلوا على السلسلة. الاستوديوهات بعد كده بياخدوا ميزانية بيشتغلوا عليها, ويبتدوا سحرهم.

بس ازاي برضه بيكسبوا فلوسهم؟ هنا الموضوع بيكون ملغبط. ستوديوهات زي ماد هاوس هيقسموا المكسب اللي جه من البلو-رايز والدي-في-دي مع الموزعين اللي موجودين في اللجنة (زي البوني كانيون). ممكن يقسموا الفلوس مع الميرشانديسرز برضه, ده لو الPVC Figure بيستخدم التصميم اللي عملاه ماد هاوس للانيمي. نسبة الربح بتكون قليلة, علشان كده الاستوديهات بيحاولوا يحوشوا شوية من الفلوس عن طريق تعيين مستقليين وعمل في انتاج كذه سلسلة في الموسم.

عندك كيوتو انيميشن وسنرايز ستوديوهات قوية لدرجة انهم ممكن يخشوا جوا لجان الانتاج. هما ليهم القدرة بانهم يصرفوا فلوسهم بانهم يصنعوا سلسلة بحالها, علشان ياخدوا اكبر كمية من الربح.

كيوتو انيميشن بتصنع اكتر من انيمي؛ هما موزعين روايات ومانجا  و كمان بيديروا محل كبير في كيوتو. ولكن, المفروض اقول انهم حالة شاذة.

شبكة معقدة في صنع المال.

من انيمي Granblue Fantasy the Animation

اخر طريقة للاستوديو انه يكسب فلوس, انه يكون مملوك من احد اعضاء اللجنة. خد A-1 Pictures كمثال. الاستوديو ده عامل الموسم ده Saenai Heroine no Sodatekata ♭, Eromanga Sensei, وGranblue Fantasy The Animation, بس هما مش خايفين من المبيعات او نسبة المشاهدة علشان هما ملك Aniplex.

Aniplex, لوحديها, تعتبر من اقوى اعضاء اللجان لانيميات كتيرة, زي !!Gintama, Durarara, و Naruto Shippuden كموزع DVD و Blu-Ray. هما برضه بيخرجوا اغاني, بضائع, بيشتغلوا مع شركات بيشتغلوا مع شركات التغذية علشان التغليفات, وكمان شركات الالعاب. Aniplex بيخدوا الفلوس دي ويحطوها في A-1 Pictures, اللي هي فيهم. اللي يضحك اكتر, ان Aniplex مملوكة لSony Music Entertainment Japan.

Sony Music Entertainment Japan تعتبر اكبر شركة تسجيل الاغاني في اليابان, بمكسب 162 مليار ين (1.3 مليار دولار) سنة اللي فاتت. لو انت عندك اغنية بداية او نهاية مفضلة عندك, في احتمالية كبيرة انها تكون اتغنت من مغنيين Sony.

اغاني اخرجت من سوني, واتوزعت من Aniplex, واتحطت جوا مسلسل على ايد A-1 Pictures. هما ثلاث اجزاء من كتلة واحدة. مش فارقة كتير هل المسلسل اللي عملاه A-1 Pictures ناجح ولا لأ, هما مش هيقعوا قريب بسبب الهيكل العملي ده.

الهيكل ده متوارد في اعمال امريكا واوروبا. بيديك الصلاحية انك تكسب فلوس من جهات كتيرة من غير ميخليك متخصص في حاجة معينة. في اي وقت, سوني ممكن تكسب فلوس من اكتر من عشر انيميات من غير اي سلبيات مالية كبيرة.

الرخص الدولية.

من انيمي Magi

السوق العالمي بيساعد في المكسب عن طريق الرخص. لما ستوديو بيكون عاوز ياخد حق الانيمي, بيدفع فلوس لاخد الحق ده من اولها. الفلوس دي بتروح للجنة, واحيانا بتتوزع على الانيمي ستوديو كجزء من ميزانية الانتاج.

على سبيل المثال, لما انيمي انا شايفه ممكن يكون ناجح هنا في مصر. انا ممكن اعرض اني ادفع 100,000 جنيه للحلقة الواحدة, علشان اعملها دبلجة, وDVD release. كده الاستوديو هيكسب حوالي 1,200,000 جنيه من اولها لانيمي مدته حوالي 12 حلقة.

لما الانيمي يتشهر جدا هنا في مصر, ويعدي نقطة معينة (زي نسبة معينة في المبيعات, او كسبنا فوق المليون جنيه), الانيمي سوتوديو لازم ياخد شيكات مما يتراوح من 20% ل30% من ارباح مبيعات المنتجات اللي اتباعت في المستقبل.

وبعد مرور عدة سنوات.

من انيمي Serial Experiments Lain

علشان الانيمي يكسر نسبة الفلوس اللي اتصرفت وفعلا يكسب, لازم على اقل الانيمي يبيع حوالي 5,000 نسخة من كل Volume نول. 20% بس من الانيمي هما بيوصلوا للهدف ده في اول سنة ليهم في نزولهم.

خد في الاعتبار ان الناس اللي بيعتمدوا على مبيعات الBlu-Rays  والDVDs هما استوديوهات الانيمي, وشركات التوزيع (احيانا بيكونوا مرتبطين مع بعض).

ولكن, مش معنى كده ان في 80% نسبة فشل. الانيمي ده وسط ليه رجلين قوية, من الصعب انك تلاقي انيميات قديمة, انهم يفشلوا او يكسروا حتى ولا بعد بضع سنوات.

الانيميات بيعملوا اعادة تنزيل وريماستر, مسلسلات بيتم اعادة ازاعتها على التليفوزيون على قنوات مختلفة, و المبيعات في السوق الدولي, كل ده بيساهم ان المسلسل يقدر يجيب مكسب حتى ولو بعد فترة. يعني مثلا Serial Experiments lain كان فشل زريع في اليابان, ودلوقتي بقت من اكتر الانيميات اللي بتحترم في امريكا, واراهنك ان الاستوديو اخد فلوسه واكتر كمان, بسبب بيع Funimation للDVDs والBlu-Rays.

اللي انت لازم تاخد بالك منه ان الانيمي لازم ياخد وقت عبال متقدر تكسب منه فلوس.

الخلاصة

فعلا. الانيمي بيكسب فلوس, وطالما المانجا والروايات موجودين, الانيمي مش هيروح في حتة قريب. مع اننا عاوزين اقتباسات كاملة اكتر, لازم نفتكر ان الهدف الاساسي للانيمي الياباني هو يخلينا نشتري المانجا والروايات.

-المقالة الاصلية: goboiano


X