ايه هى نظرية بيكسار؟ (The Pixar Theory)


** اتكلمنا قبل كده عن شركات صناعة الافلام الانيمشن، و اتكلمنا بالأخص عن شركة Pixar اللى من سنين كتير وهى بتقدملنا أعمال فنية راقية جدا و بتشدنا دايما،
و افلام بيكسار دايما بتدخلنا فى عالم خيالى بنعيش فيه بكل حواسنا سواء لما بنعيش مع اللعب Woody و Buzz Lightyear فى Toy story، أو لما بنعيش فى البحر مع Nemo و Dory فى Finding Nemo، أو مع الوحوش فى مدينة Monstropolis فى فيلم Monsters، وغيرهم طبعا،
إلا اننا ممكن نكتشف أننا نقدر نعيش كل الافلام دى فى لحظة واحدة، بعد النظرية اللى وضعها Jon Negroni سنة 2013 اللى مفادها أن كل افلام بيكسار أحداثها حصلت فى نفس العالم لكن فى أزمنة مختلفة على مدار آلاف السنين،

واسمها

The Pixar Theory

بدايتها كانت مع الفيلم اللى بيعرض حاليا فى السينما The good dinosaur، واللى بييجى بعده فيلم  Brave،
اللى أحداثه بتدور فى القرن 14، والشخصية اللى أحدثت تغيرات كبيرة فى الفيلم ده هى الساحرة اللى حولت أم  merida لدب، لكن دب ذكى، ومن قبلها mordo، وده بيبين انها كان عندها قدرة أنها تزود الحيوانات والآلات بالتفكير،

وده بياخدنا مثلا لفيلم Ratatouille، اللى فيه الفأر Remy بيحب يطبخ، رغم أن الطبخ حاجة مقتصرة على الإنسان فقط، إلا أنه قدر يكون عنده موهبة كبيرة فى الطبخ،

وفى فيلم Finding Nemo قدرنا نشوف عالم كامل تحت المياة وده بيأكدلنا تطور عقل الحيوانات،
فيبدأ Charles Muntz انه يخترع جهاز يقدر يسخر بيه ذكاء الحيوانات دى لخدمته، لكن فى النهاية بتنقلب الكلاب عليه و تبدأ الحيوانات ثورة ضد البشر.

تبدأ بعدها شركة BNL أنها تعمل ثورة صناعية تقلب العالم كله وأصبح اعتماد البشر كله على الآلات، فى فيلم The Incredibles بيصنع Syndrome روبوت Killbot عشان يقدر بيه ينفذ خططه للقتل الجماعى، لكنه بينقلب عليه وتبدأ كمان الآلات ثورة جديدة ضد البشر اللى فى الوقت ده أصبح عدو الآلات الأول،

images (1)


وبسبب الثورة الصناعية الأرض أصبح فيها تلوث كبير و تم إرسالهم للحياة فى سفينة فضائية اسمها The Axiom فى الوقت اللى الآلات تنضف فيه الأرض من التلوث،
لكن الوقت ده كان طويل جدا وصل ل 700 سنة، فى الفترة دى كان موجود على الارض الآلات والسيارات الموجودة فى Cars، اللى الأرض بقت مسكنهم ومبقتش صالحة لحياة البشر عليها،

لكن فى نهاية فيلم Wall-e قدر Wall-e و Eve انهم يغرسوا نبتة تعود بيها الحياة مرة تانية على الارض، و الزرعة دى هى الشجرة اللى بدأ بيها فيلم ABug’sLife،


وبعد كده تظهر أنواع حيوانات جديدة بالتطور اللى ممكن يرجع الإشعاعات اللى سببها الثورة الصناعية اللى استمرت حوالى 800 سنة،
والتطور ده بنشوفه فى الوحوش فى Monsters،

اللى ليهم حياة كبيرة خاصة بيهم فى مدينة Monstropolis، ولكن عندهم أزمة طاقة، وبسبب كده شركة Monsters INC هدفها أنها تجيب طاقة من البشر عن طريق أبواب بيسافر بيها المرعبين عبر الزمن ويخوفوا الأطفال البشر فى الماضى يولدوا منهم طاقة،

ولكن الطفلة Boo تتعرف على العالم ده كله، وبعد مارجعت بقى همها طول حياتها انها تقدر تلاقى Sulley مرة تانية،

وده بيخليها تتعلم حاجات كتير منها السحر، وتقدر تسافر عبر الزمن عشان تلاقيه،
وده يوصلنا فى النهاية أن
الطفلة Boo هى الساحرة فى فيلم Brave،


و ده ليه أدلة كتير منها أن الساحرة مهووسة بالدببة، و Sulley هو أقرب شكل الوحوش للدب،
وبنشوف فى الكوخ بتاعها عربية Pizza Planet اللى ظهرت في افلام كتير زى Toy story و A Bug’s Life وغيرهم،
وكمان بنشوف رسمة ل Sulley فى كوخ الساحرة.

ومن أدلة أن ده كله عالم واحد،
ظهور مثلا لعبة Lotso من Toy story 3 فى فيلم Up،

وظهور لعبة Jessie من Toy story فى Monsters INC ،

** ممكن بعد الفكرة دى تبدأ تتفرج على الأفلام دى كلها، لكن بالترتيب الجديد، واستمتع بالنظرية الممتعة دى.

** وسواء عيشنا فى افلام Pixar بالترتيب الزمنى أو بترتيب الافلام، أو كل فيلم كقصة لوحدها، كل الافلام بتمتعنا متعة كبيرة جدا ودايما بتكون من أكبر الافلام المنتظرة فى العالم كله،
وهنستنى فى الصيف الجاى الجزء الثاني من Finding Nemo واللى هيكون عنوانه Finding Dory،
وفى صيف 2017 واحد من أكبر الافلام المنتظرة واللى من المتوقع انه يحقق أرقام قياسية كبيرة جدا وهو Toy Story 4 .

>> وكل الشخصيات الرائعة دى أنتجتها لينا عقليات مبتكرة وعبقرية على مدار اكتر من 20 سنة، وهنركز اكتر على العقول دى فى The Pixar Story.

 


Seif Aldin

Advertisement