Securityتكنولوجينظم وتطبيقات

كيف تؤمن حساب Gmail


البريد الإليكتروني من أهم الجوانب اللي بتميز شخصيتنا على الإنترنت، فهو يعتبر مفتاح لكل الحسابات الأخرى، وعلشان كده مهم جدًا إننا نؤمن كل حساباتنا من إنها تقع في أيدي خاطئة.

وبالرغم من إن Gmail بيوفر وسائل أمان كثيرة، إلا إننا مش عارفين أو مش بنستعمل كثير منها. علشان كده في المقال ده هنشارك معكم أحسن طرق لحماية حسابك من دخول غير مصرح به، أو محاولة إختراق، وغيرها من المشاكل.

يلا نبدأ.

 

تقوية حساب Google

هنبدأ أولًا بتقوية حساب Google، وده لأن كل حساب Gmail كان  في الأصل حساب Google. هنساعدك تتأكد من الخصائص المهمة لحماية حسابك من المشاكل المعروفة والشائعة. وبالإضافة لكده، هنساعدك لتهيئة حاجات تانية علشان تقوي الأمان الخاص بالحساب.

 

أولًا:  two step verification

دي وسيلة إضافية جيدة هتساعدك إنك تحمي حسابك بشكل أكبر، وده بإنها بتطلب منك معلومة سرية (بالإضافة لكلمة السر).

وعلشان كده دائمًا بنقترح إنك تفعّل الوسيلة دي في حسابك، وأنت تقدر تفعلها بالخطوات الآتية:

1- افتح ‘’Sign-in & security’’، واضغط ‘’2-step verification’’

 

 

اضغط ‘’Get started’’، بعد كده Google هيطلب منك إنك تستعمل تليفونك كوسيلة دخول بديلة، عن طريق خاصية اسمها Google Prompt، وتقدر تفعل الخاصية دي بإنك تضغط على ‘’Try It now’’.

ولو تليفونك مش ظاهر اضغط ‘’Don’t see Your device?’’ علشان تقدر تضيفه.

وعلى كل حال، لو أنت عايز تستعمل رقم تليفونك في الأساس اضغط على ‘’Don’t use promptd’’.

 

إذا ضغطت على ‘’Don’t use prompt’’ في الخطوة الماضية وعايز تفعل رقم تليفونك كوسيلة ثانية، أدخل رقم تليفونك واضغط ‘’Send’’.

بعد كده Google هيرسل لك كود تأكيد على رقم التليفون، أدخل الكود ده لو طلب منك.

ثانيًا: انشئ معلومات لاستعادة البيانات.

حاجة كويسة إنك تضيف معلومات إضافية لاستعادة بياناتك في حالة إن بعضها مش قابل للدخول.

علشان تعمل كده اتَّبع الخطوات التالية:

1.افتح ‘’Sign-in & Security’’، واعمل تسجيل دخول.

2.اضغط ‘’Sign in to Google’’ على الشريط في الجهة اليُسرَى، واختار القسم اللي اسمه ‘’Account recovery options’’.

إضافة أو تغييرRecovery email..

اضغط على ‘’Recovery email’’، واضغط على ‘’Add recovery email’’، واكتب البريد الإليكتروني اللى أنت عايز تضيفه واضغط ‘’Done’’.

لو عايز تغيره اضغط على علامة القلم وغير عنوان البريد الإليكتروني.

 

 

 

إضافة أو تغيير رقم تليفون الاستعادة..

اضغط على ‘’Recovery phone’’، واضغط ‘’Add recovery phone’’، أدخل رقم التليفون واضغط ‘’Next’’، هيتم إرسال كود تفعيل للرقم، أدخله وهيتم إضافة الرقم.

لو عايز تغيره اضغط على علامة القلم وغير رقم التليفون.

ثالثًا: إلغاء التطبيقات الغير مصرح بها.

كل ما تسجل دخول على أي موقع أو تطبيق بإستخدام Google بيتم السماح له مباشرة للدخول على سجلاتك، ومعنى كده أنه يقدر يدخل في أي وقت لتفقد السجلات اللي أنت سمحت له بتفقدها. ومع ذلك، مش من الآمن إنك تعطي مفاتيح بيتك لشخص غريب، مش كده؟ وعلى ذلك، من الأمان إنك تتفقد أمان بريدك بإستمرار من التطبيقات والمواقع الغير مصرح بها لحمايته منها.

والخطوات دي هتعرفك ازاي تعمل كده:

1.افتح ‘’Sign-in & Security’’، وسجل دخول لو طلب منك،

2.اضغط على ‘’Apps with account access’’ على اليسار، ثم اضغط على ‘’Manage apps’’.

 

 

 

3. دلوقتي هتقدر تشوف قائمة بالتطبيقات المتصلة بحسابك اللي أنت أعطيتها تصريح لتصفح سجلاتك، تقدر تضغط على التطبيق علشان تشوف التصريح بالإضافة لتاريخه، وتقدر تضغط ‘’Remove access’’ علشان تمسحه.
ويستحسن مسح كل التطبيقات المشكوك فيها.

 

رابعً:رفض التطبيقات ذات الحماية الضعيفة.

توجد خاصية اسمها ‘’Allow less secured apps’’، ودي بتسمح للتطبيقات اللي الحماية عليها بتكون ضعيفة بإنها تتصفح سجلاتك وحساباتك، واحنا طبعًا بننصح إنها تكون مغلقة دائمًا، وتحاول تبحث عن وسائل أخرى غير التطبيقات الضعيفة.

على سبيل المثال، تقدر تغير لبريد Gmail جديد وتستعمل خاصية الoffline الخاصة به، وتدخل على البريد والرسائل وتحفظهم أو تمسحهم.

1. افتح ‘’Sign-in & Security’’،

2. واضغط على ‘’Apps with account access’’ على الجهة اليسرى، واغلق كل الخيارات اللي بتبدأ ب ‘’Allow less secure apps’’.

 

خامسًا: تفقد الأحداث المهمة للحسابات.

تسجيل كل الأنشطة اللي بتحصل على الحساب بتكون وسيلة مهمة لحمايته من دخول غير مصرح به من أي طرف، وده اللي بتوفره Google لحسابك. أنت لازم تتفقده بشكل مستمر علشان تكتشف أي نشاط غير مألوف، زي تسجيل حساب أو تعديل معلومات.

هنشوف نعمل كده ازاي في الخطوات دي:

1.افتح ‘’Sign-in & Security’’ على المتصفح.

2.اضغط على ‘’Device activity & Security events’’ على اليسار.

3.هتلاقي خانة اسمها ‘’Recent used devices’’ وخانة اسمها ‘’Recent security events’’، تأكد إنهم خاليين من أي نشاط غريب وكمان تقدر تضغط على ‘’Review events’’ أو ‘’Review devices’’، علشان تشوفهم بالتفصيل.

 

تقوية حساب Gmail

 

بعد الانتهاء من تقوية وحماية حساب Google بكل الطرق والوسائل الأساسية، ده وقت تقوية حساب Gmail علشان بنتكلم في المقال ده عن الحماية والأمان، فلازم نتكلم عن حماية صندوق البريد، Gmail.

 

أولًا:تفقد خصائص Gmail

مع إن Gmail مش بيقدملنا وسائل أمان كثيرة، إلا اننا من الضروري أننا نتأكد من وسائل الأمان دي علشان نقدر نستخدمه بأمان.

يلا بنا نغير خصائص صندوق رسائلك.

أولًا، اضغط على أيقونة clog/gear علشان تفتح الخصائص على Gmail، وتابع بالأسفل.

 

 

  

 

الخانة العامة General tab

وفي الخانة دي لازم تتأكد من الخصائص التالية:

1.التوقيع Signature: لازم تتأكد إذا كان فيها أي خطأ أو روابط خارجية.

1. الرد الآلي ‘’Vacation responder’’: وده لازم يكون غير مفعل، وتكون البيانات اللي فيه صحيحة.

خانة الحسابات Accounts and import tab

في الخانة دي لازم تتأكد من الخصائص التالية:

أولًا: Send mail as لازم تتأكد من إن كل العناوين الإليكترونية موجودة تحت القسم ده.

ثانيًا: Check mail from other accounts.. كل العناوين الإليكترونية دي لازم تكون بتاعتك، وإلا هتشوف بريد شخص تاني غير معروف بعد سماحهم.

ثالثًا: Grant access to your account لازم تتأكد إن القسم ده مفيش عليه أي عنوان إليكتروني غير معروف، لو كان عليه أي عنوان فده معناه إن فيه حد قدر يدخل ويتصفح حسابك، وإنك لازم تمسحه فورًا، وتقدر تمسحه عن طريق الضغط على ‘’Delete’’ اللي بتكون ظاهرة معه.

 

 

 

 

 

 

 

 

 

 

 

خانة العناوين المصفاة والمحظورة  ‘’Filtered and blocked accounts’’..

في الخانة دي بيكون فيه الآتي:

الرسائل المصفاة: تأكد إن مفيش أي وسائل تصفية أخرى عندك، ولو في امسحها فورًا.

الرسائل المحظورة: أنت هتقدر تشوف كل العناوين المحظورة، ومش هتتلقى أي رسائل من العناوين دي، فتأكد إن مفيش منها عنوان بريدي مهم، ولو كان فيه فالغي حظره.

 

 

 

 

خانة Forwarding and POP/IMAP

وهنا هتتأكد من الآتي:

إعادة الإرسال: تأكد إن رسائلك غير مهيأة على إعادة الإرسال لعناوين أخرى بدون إذنك، ولو وجدت كده امسح العنوان أو الغي خاصية إعادة الإرسال.

تحميل POP: تأكد إنه غير مفعل.

تحميل IMAP: تأكد إنه غير مفعل في حالة عدم إستخدامك له.

 

ثانيًا: احذف عناوين البريد المشكوك فيها.

 

حذف عنوان بريد إليكتروني:

في حالة وصول رسالة من بريد غريب أو أنت شاكك فيه ومش عايز تستقبل أي رسائل أخرى منه، تقدر تعمل حظر، و Gmail هيفعل ده في صندوق الوارد أوتوماتيكيًّا ومش هيستقبل رسائل أخرى من البريد ده.

وتقدر تعمل كده بالخطوات التالية:

1- افتح أي رسالة أرسلها العنوان الإليكتروني اللي عايز تحظره.

2- اضغط على ‘’Options’’ أعلى الرسالة على اليمين، واختار ‘’Block’’ من القائمة.

 

 

 

التبليغ عن عنوان بريد إليكتروني

شئ مألوف بالنسبة للكل إستقبال رسائل من عناوين إليكترونية مبلغ عنها، وخاصة بريد العمل اللي بيكون معروف عند ناس كثيرة.

بالتأكيد مفيش حد بيحب يقرأ رسائل مش مرغوب فيها وهو في الشغل، لو أنت كمان كده تقدر تبلغ عنها و Gmail هيتعامل معها في المستقبل على إنها رسائل من عناوين بريد مؤذية.

لو عايز تبلغ عن عناوين مؤذية اتبع الخطوات:

1- افتح ‘’phishing/spam emails’’ على Gmail.

2- اضغط على أيقونة الخصائص أعلى اليمين، واختر ‘’Report phishing’’ أو ‘’Report spam’’ على حسب نوع البريد اللى عايز تبلغ عنه.

بنتمنى المقال يكون ساعدكم في حماية حسابات Gmail الخاصة بكم.

وكمان عايزين نفكركم بأخذ كل الاحتياطات باتباع طرق الأمان عند استخدام الانترنت، لأن لو حد  قدر يقرصن جهازك أثناء تصفحك الانترنت، يقدر بسهولة الدخول لكل حساباتك.


X