مخاطرة DEADPOOL من شركة FOX.


خلينا نتفق الاول ان شركة FOX عملت افلام ناجحة للSuperheroes

بالاخص افلام X-men ممكن نقول انهم حاولوا يعملوا Fantastic four فى سنة 1994

1280x720-qSg

بس الفيلم فشل من ناحية النقاد و من ناحية الايرادات، بس هم مقالوش كفاية كده و مستسلموش حاولوا تانى فى سنة 2005 بانهم يعيدوا احياء السلسلة بممثلين جداد لكن برده منجحش من ناحية النقاد لكن بالنسبة للايرادات نجح نسبيا فى انه عدي الميزانية بتاعته الضعف و نفس الكلام للفيلم اللى صدر بعده Fantastic Four: Rise of the Silver Surfer.

و اخر محاولاتهم كانت لسه من شهور قليلة مع نفس السلسلة و كان فشلها افظع من كل المحاولات اللى عدت فى الايرادات و مع النقاد و الجماهير نفسها بقت بتترجى شركة FOX انها ترجع الحقوق ل MARVEL/DISNEY 

بس طبعا الكلام ده محصلش و فى خلال الفترة ديه اصدروا قرار انهم هيوقفوا اى خطط للسلسلة.

بس عموما ديه سلسلة الافلام اللى FOX معرفتش خالص انها تحولها لسلسلة افلام و لكن وضع سلسلة X-men مختلف تماما .. بالرغم من ان فى افلام فى منتصف السلسلة منجحتش و فشلوا بسبب تغيير المخرج و الكاتب، لكن شركة Fox عرفت غلطتها و جابوا الاول مخرج كويس جدا اسمه Matthew Vaughn اللى اخرج X-men: First Class  و بعد كده قدروا انهم يرجعوا المخرج الاساسى تانى Brayan Singer اللى اخرج الافلام: X-men 1 و X-men 2 و اخرهم  X-men: Days of future past و هو نفس المخرج المسئول عن الفيلم الجديد X-men: Apocalypse 

كل الكلام ده مجرد تنويه عن اللى ممكن يتم فى الفيلم الجديد اللى هينزل باسم

DEADPOOL 

شخصية DEADPOOL اصلا من ال X-men فكده يبقى حقوق النشر مع FOX فالناس اما عرفوا انهم هيعملوا فيلم ليه اول انطباع كان مستحيل لكن مع الاعلانات اللى نزلت للفيلم اتحولت النظرة ديه لانتظار رهيب من جميع الناس المهتم و الغير المهتم اصلا بافلام ال Superheroes 

هو اصلا شخصية ممكن نقول اللى بيخليها تتميز عن اى شخصية تانية من ال Superheroes هو انه يقدر يكسر البعد الرابع و البعد الرابع فى نطاق الافلام و ال Comics 

ان الشخصية تقدر تبص للكاميرا و تكلم الجمهور عادى فحاجة زى ديه صعبة كمان ان شخصية DEADPOOL و طريقة تعامله و انه اصلا متصنف ك Anti-hero  بمعنى انه ماشى بدماغه اكتر جندى مرتزقة اللى يدفعله اكتر ياخد منه المهمة

كل ديه عناصر صعب انها تترجم للافلام ليه ؟

بسبب انك تعمل فيلم لشخصية زى ديه يبقى لازم فيه عوامل و هى انك تحدد نوع الجمهور اللى الفيلم متوجهله تقوم شركة FOX قايلة ان فيلم DEADPOOL هيبقى   Rated R و ده معناه ان ناس معينة فوق سن ال 17 سنة هم اللى يقدروا يشوفوه و كده يبقى غامروا بجمهور كبير من الناس اللى تحت 17 سنة فده قرار فعلا زى ما هو كويس الا انه ممكن يرجع بالضرر على الايرادات.

طبعا بسبب حاجات زى ديه الشركة المسئولة عن الدعايا للفيلم هيكون عليها مسئولية رهيبة انها تقنع الناس انها تروح تتفرج و لو انت عندك Account على ال Social media و مهتم بالافلام او على الاقل عندك معرفة بالافلام اللى هتنزل فاكيد حاطط DEADPOOL فى قايمة المشاهدة بسبب ان اعلاناته خلت الناس تعرف ازاى هيقدموا الشخصية و الفيلم متوجه لمين و كمان انه نازل فى وقت عيد الحب،

لكن رد فعل الجمهور ايجابى جدا مع انهم فى نفس الوقت عارفين ان شركة FOX هى المسئولة فى الاخر عن انتاج الفيلم ده.

فهى فعلا مخاطرة لان الفيلم لازم ينجح سواء فى النقد او الايرادات على الاقل عشان يكون فى سبب انهم يعملوا جزء تانى ليه..

 

معلومة على السريع:

ايرادات فيلم Fantastic Four 2015 كانت اعلى من الميزانية بحوالى 47 مليون و ديه كانت كارثة للاستديو!

 

*** المهم خلينا متفائلين لحد دلوقتى الدعايا ممتازة و المشاهد الصغيرة اللى نزلت لحد دلوقتى برده حلوة و لحد دلوقتى مفيش سبب او شك ان الفيلم يكون وحش الحاجة الوحيدة اللى ممكن نقلق منها ان الفيلم يكون متصور كله على الكوبرى زى فى الاعلانين اللى نزلوا….

 

الاعلان الاول:

الاعلان التانى:

المشهد الاول:

المشهد التانى:

 


Seif Aldin

Advertisement