مخرج The Flash 2018 ساب الفيلم !!!!!


البوست ده عن حوار ان مخرج The Flash خرج من الفيلم لاختلافات مع الاستديو و طبعا رد فعل الناس كان ان DC مش عارفة بتعمل ايه و ان مخرج يطلع من الفيلم تبقى علامة وحشة جدا

ممكن يبقى صح لكن خلينا نبص على انجازات المخرج/ Seth Grahame-Smith
الراجل كتب سيناريو للافلام ديه Dark Shadows و Abraham Lincoln: the Vampire hunter و اخر افلامه اللى كتبها كانت Pride and Prejudice and Zombies
و فيلم The Flash كان هيبقى اول اخراج ليه…

الافلام ديه معترف بانهم فاشلين سواء فى ال Box Office او النقد
ممكن ميكنش ده دليل على فشل فيلم the flash اللى “لسه منزلش” بس خروجه من الفيلم مش مؤثر

نيجى لحقائق تانية
-فيلم Ant-man و هو بيتصور و فى مرحلة الانتاج المخرج Edger Wright ساب الفيلم لاختلافات مع الاستديو و النتيجة كانت ان الاستديو جاب مخرج تانى و الفيلم نجح و حقق ايرادات اينعم مش بمعدل افلام Marvel بس الفيلم كان نازل بعد Age of Ultron اللى فى ناس كانت حاسة بخيبة امل فية

-فيلم The Flash المفروض هينزل فى سنة 2018 يعنى لسه بدرى حاجة تانية هم اصلا لحد دلوقتى فى مرحلة اختيار الممثلين الشخصية المعروفة لحد دلوقتى هو Ezra Miller
لو عايز تعرف اكتر عن الممثل فيه افلام ليه زى The perks of being wallflower و we need to talk about kevin

فحاليا محدش يقلق ،بالنسبة لانهم ميستعملوش الممثلين من المسلسل ده حتى المسلسل ناجح جدا و من احسن مسلسلات ال Superheros اذا مكانش احسنهم

ده بيرجع لسببين اولا شركة DC اعلنت ان المسلسلات فى عالم غير عالم الافلام!
تانى حاجة كمثال على ان ده قرار صح هو ان Marvel مع انها بتقول ان عالم المسلسلات و الافلام متصل ببعض الا ان مسلسلات ال Superheros على Netflix نادرا اما بتقول اسم شخصية من الافلام و ده بيرجع لفشل الربط اكتر و مثال قوى على ده هو اول موسم من Agents of Shield كان فشل بسبب ان كل حلقة كانت بتعتمد على اللى بيحصل فى الافلام من غير تكوين هوية معينة للمسلسل نفسه!

البوست مش بيحسن فى شركة او بيغلط فى شركة… البوست هدفه التوضيح للى بيحصل و هيفضل يحصل…


Seif Aldin

Advertisement