مراجعة انيمي Cowboy Bebop


“لا تهب الموت. دائما الموت بجانبك. عندما يظهر خوفك سيحل عليك اسرع من الضوء. إن لم تخف، سوف يراقبك بلطف فقط”  -Laughing Bull

Cowboy Bebop من الانيميات النادرة انك تشوف زيها في العصر الحالي.

الانيمي بمعني الكلمة اسطوري; شخصيات تحفة, الاغاني والموسيقة جبارين وحاجات كتيرة مش هقدر اقولها علشان ممكن تعتبر حرق ليكم.

الانيمي ده كان كان حافز كبير لاي واحد اتفرج عليه (يا محب للانيمي عمتا او لا) وطبعا اداني حافز وغير راي انا شخصيا علي الانيمي عمتا, اده معني تاني لكلمة انيمي, بدل من ان كل الانيمي عاملين زي Dragon Ball Z لفن جميل بتعامل الشخصيات المرسومة الجماد دي لبشر بجد, وبتحس بيهم; في فرحتهم والامهم.

cowboy-bebop-01thumb

القصة بتقع في زمن 2071, بتحكي عن مجموعة من ملاحق المجرمين (يعني الناس اللي بيصطادوا المجرمين المطلوبين بمقابل مبلغ من المال) اللي عايشين في مغامرة بانهم بالبلدي كده يجيبوا لقمة عيش من اي مجرم يمسكوا عبر المجرة.

القصة سهلة صح؟ امال ليه يا اسلام انت بتمجد في الانيمي كده؟ علشان ببساطة ان الانيمي ده اقوي حاجة فيه شخصياته, الشخصيات دي اللي بتقود الانيمي ده, واللي رفعاه, الانيمي ظاهريا عرضي (كل حلقة او حلقتين بتكلم علي قصة لوحديها) ولكن من جوا الانيمي بيتكلم علي عيشتهم مع بعض, وعلي الماضي بتاع كل شخصية فيهم.

Spike Spiegel ده خلطة من الشخصيات الكلاسيكية اللي طلعت في الافلام زي برووس لي في الفنون القتالية.

cowboy_bebop_spike_spiegel_fight_scenes

وكلينت ايست وود في السلاح.

tumblr_nm1yftobjh1rey868o1_500

بس برضه مع ده كله هو انسان كسول وبيحب ياكل معكرونة كتير. بس قوة الشخصية هي في الماضي بتاعه, حتي قبل ما التتر ما يبدا في اول حلقة خالص, انا بتشوف لمحة من الماضي بتاعه, ماضي انت هتفضل تشيله طول الانيمي ده كله, مش هتفهم الالم ده غير ماتتفرج علي الانيمي.

الماضي بتاعه فيه رهيب مع العدو بتاعه Vicious, وهو اللي يعتبر النقيض بتاع Spike, ولما الاتنين يتصادموا مع بعض عنيك هتفضل مبحلقة علي الشاشة مش هتقدر حتي تبص جنبك, وممكن تعيط كمان, مش مشكلة, حاسس بيك.

عندك بقي Faye Valentine, انا طبعا مش هكلم علي شكلها علشان مش محتاج اني اوصفها.

06d81e6fb68f321fc1b9f59a456bb9f8

بس مش كده بس, دي كوميدية جدا, A total Badass, يعني مش محتاجة راجل اصلا في حياتها, بتعرف تاخد بالها من نفسها, مش محتاجة راجل ياخد باله منها, بس لما تاخد الوقت وتعرفها, وتعرف ماضيها, هتعرف ايه ان المستخبي تحت الوش متماسك ده, بنت طيبة, وغلبانة.

Jet Black ده شخص تحفة جدا, الراجل ده هو يعتبر الاب بتاع المجموعة دي كلها, وهو كمان عنده الماضي المهم في الانيمي.

tumblr_m8ka5zdsxv1rzkwrto1_500

وده اللي بحبه في الانيمي لتاني مرة, الانيمي ده متركز علي شخصياته و انجح انه يقدملنا منجم من الذهب الغالي.

وطبعا مش هننسي Edward.

ed

هي تعتبر العنصر الفكاهي في الانيمي
732c616834316d46f38822768f89a0a7

ايوة انا قلت “هي”. ايدورد بنت.

tumblr_m8nsu0bhvb1qlwg89o1_500

انت ممكن في الاول تحس انها وحشة او حسها وحش, بس لما تشوفها هتلاقيها مش مزعجة, وعندها ماضي قوي كمان. ايدورد هاكر, تقدر حرفيا تخترق اي جهاز في اي وقت, في اي مكان.

الموسيقة في الانيمي ده, اسطوووووووووورية, ومش هتقل عن الكلمة دي علي مر العصور. Yoko Kanno الملحنة للانيمي ده, من افضل الملحنات اللي سمعت لهم في اي حاجة لفظيا. الميكس مابين الJazz والCountry والMetal حاجة تحفة.

اسمع كده الOpening بتاعت Cowboy Bebop“ Tank” وهتعرف ليه هي من افضل الملحنين في التاريخ.

اما بقي التمثيل في الانيمي ده في التمام, مافيش غلط في الياباني والانجليزي, بس الانجليزي احسن, من المرات اللي قليلة فعلا لما تلاقي كده.

علشان اللخص لكم الليلة دي, بتحب الانيمي, مش بتحب الانيمي اصلا, اتفرج علي الانيمي ده, هتعرف ليه الانيمي فن, مش مسلسل عادي.


9.5/10

IslamGinpachi

Advertisement