مراجعة فيلم Hush!


فيلم Hush هو حاليا على Netflix!

الفيلم من اخراج: Mike Flanagan

اللى كتبوا السيناريو هم: Mike Flanagan و Kate Siegel

و بطولة: Kate Siegel

John Gallagher Jr

Michael Trucco

Samantha Sloyan

Emma Graves

 

قبل ما نبتدى نتكلم و اراجع الفيلم عايزكم تعرفوا ان اللى ذكرتهم فى البطولة هم دول بس الموجودين فى الفيلم فعلا!!!

مفيش مخلوق تانى غيرهم

المخرج Mike Flanagan اخرج افلام صغيرة قبل كده منها كان Oculus و Absentia و Before I Wake

فيلم Hush بيتكلم عن واحدة صماء و بكماء “يعنى مش بتسمع و لا بتكلم” شغالة كاتبة و عايشة فى بيت لوحدها

المهم فى يوم صاحبتها عدت عليها ترجعلها كتابها و بتكلم معاها بعد كذا مشهد سابتها و مشيت اللى حصل بقى ان فى شخصية غامضة هتظهر الشخصية ديه اللى على بوستر الفيلم

هو عبارة عن سفاح بعد اما عرف انها مش بتسمع و لا بتكلم قرر انه يلعب معاها و يعيشها فى رعب حقيقى

 

الفيلم كله من وجهة نظر الضحية و ايه اللى بيحصل حواليها الفيلم تقريبا مفيهوش اى موسيقى خالص الفيلم بيحاول انك تعيش معاها العذاب اللى هى بتمر بيه و المخرج نجح فى ده فعلا فيه مشاهد معينة هتخليك ممكن تزعق و تقول لأ و تشتم فى  “السفاح” و هتكرهه

نقدر نقول ان اخراج Mike فى الفيل كان ممتاز لانه قدر يعمل جو خاص بيه و كمان اقنع المشاهد ان السفاح ده كائن لازم يتقتل مش يتسجن بس هيخليك تكرهه

نيجى بقى لحاجة تانية اللى الناس ممكن تعتبرها مشكلة و هو ان الفيلم زى ما قلت معظم الوقت من وجهة نظر الضحية و بما انها صماء و بكماء فمش هتسمع حاجات كتيرة و هتلاقى الدنيا هادية كتير و عشان كده انا شايف ان الفيلم فعلا انك الاحسن تشوفه لوحدك مش مع مجموعة كبيرة من الناس عشان تحس بالجو اكتر الا لو صحابك كانوا هاديين زيك و هتنتبهوا للفيلم

نيجى لنقطة التمثيل التركيز الاكبر كان على الضحية و بعدها تبعا السفاح و الفيلم قدر فعلا ميزهقكش الفيلم مدته حوالى 81 دقيقة يعنى ساعة و تلت

نيجى للتقييم النهائى “التلخيص”:

تقريبا انا مذكرتش اى سلبيات تلمح على الفيلم و بسبب ان الفيلم نفسه مفهوش حاجات كتيرة تذكر و ان الفيلم مركز على الشخصيتين الرئيستيين بس ممكن ناس تانية تحس بملل شوية بسبب ان الفيلم من وجهة نظر الضحية و بسبب ان الفيلم هادى بسبب مفيش موسيقى بس بالنسبالى ده كان حاجة كويسة انك تقنعنى بكل اللى بيحصل ده من غير وجود اى موسيقى فى الفيلم و اعتماد المخرج الكلى على تمثيل الشخصيات فى الفيلم!


ٍSilence!
  • Direction - 8/10
    8/10
  • Performances - 9/10
    9/10
  • Story - 7/10
    7/10
  • Cinematography - 8/10
    8/10
8.0/10

Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!

Advertisement