هو يا ترى فيلم Ghostbusters وحش فعلا؟


فى الفترة الاخيرة من ساعة ما تم اعلان ان هيتعمل Reboot لفيلم Ghostbusters الناس كانت منتظرة ايه اللى ممكن ال Reboot يقدمه للسلسلة جديد بس فى حاجة حصلت من ساعة اما تم الاعلان عن الفريق الجديد بقيادة:

Melissa McCarthy

rs_634x938-151217125016-634.3.Ghostbusters-Movie-Poster.jl.121715

Kristen Wiig

rs_634x939-151217125016-634.2.Ghostbusters-Movie-Poster.jl.121715

Kate Mckinnon

rs_634x938-151217125016-634.4.Ghostbusters-Movie-Poster.jl.121715

Leslie Jones

rs_634x938-151217125017-634.Ghostbusters-Movie-Poster.jl.121715

الفريق بقى كله متكون من 4 سيدات و كمان اعلنوا بما ان ده Reboot فملهمش دعوة اطلاقا باللى حققه اول فيلم اتعمل و بدأت فكرة ان الفيلم وحش و كمان ان السيناريو اتسرب على Reddit و بعد اما الناس قرته زاد خوف البعض بان الفيلم هيبقى وحش فعلا بس كل ده كان يعتبر اراء من قبل ما يتم نشر اى اعلان للفيلم او مقاطع و بعد اما تك اصدار اول اعلان رسمى للفيلم

ظهر الوجه القبيح من بعض الناس و هو الحكم على الفيلم من قبل ما يتم عرضه و وصفه بانه فاشل و قبل نزول اعلان Call Of Duty Infinite Warfare كان هو اعلى اعلان او من اعلى الاعلانات اللى معمول عليها Dislike على ال Youtube

و تعليقات كتيرة جدا من نوع انهم قتلوا طفولة الناس و ايه اللى هم عملوه ده فى السلسلة العظيمة

الحقيقة ان بعض الناس كان ليها حق فعلا فى انها تعترض على الاعلانات عادى لان فعلا الاعلانات كانت سيئة جدا جدا و الطريقة اللى تم عرضها بيه مساعدتش ان اى حد يقتنع ان الفيلم ممكن ينجح … بس الفكرة انك متحكمش على الفيلم من اعلاناته افلام زى Transformers بتبقى اعلاناتها تحفة و حملة الدعايا بتاعتها بتبقى كويسة جدا و مع ان الفيلم بيحقق ايرادات عالية جدا و النقد على السلسلة بيبقى لاذع الا ان السلسلة فى الاخر حققت ايرادات و اللى بيحصل ان الناس تستغرب هم ليه بيعملوا افلام جديدة … ما هو طالما فى ناس بتتفرج على الافلام ديه اكيد هيعملوا اجزاء جديدة.

نرجع للنقطة الاساسية هو بقى الفيلم حلو ولا وحش بعد اما تم عرضه بره للنقاد و بعض من الناس

الحقيقة ان الفيلم طلع كويس الى حد ما و كمان ظهرت مراجعات كتيرة بتدى الفيلم نقد ايجابي … نلاحظ هنا ان النقد ايجابى يعنى مش لازم يبقى 10/10 ممكن يكون 6/10 و ده يعتبر ان النقد ايجابى

رد فعل الناس بعد اما عرفوا ان الفيلم مش وحش كان غريب فى ناس عادى جدا مكنتش مهتمة اصلا بالضجة على الفيلم و ناس كانت فرحانة ان الفيلم مش وحش زى ما ناس كانت متصورة و ناس تانية كان رد فعلها زى ما فى الصورة ديه على Reddit

CnHUBaMVUAEoiSo

و حاليا الفيلم Certified Fresh على Rotten Tomatoes!

1

 

فيا ترى انتم هتشوفوا الفيلم ولا اصلا مش مهتمين ؟


Mohamed Asaad

Loves Movies, Series, Anime, Manga, Comics and can talk for hours about them, metal music is what drives me and I'm a Big Geek!

Advertisement