10 Anime المفروض تشوفهم.


الاسماء اللى هتتم ذكرها هنا هتكون بناء على الفكرة اللى قدمها او اذا كان ساب تأثير كبير على الصناعة و فى نفس الوقت هتبقى انعكاس للكاتب ،بمعنى: “اكيد فى ناس تانية عندها قايمة تانية خالص او هتختلف تماما مع اللى هقوله” من غير مقدمات كتير… يلا نبدأ:

 

10- Tengen Toppa Gurren Lagann

p189467_b_v8_ac

قبل ما نتخانق فيه أسباب كتير انه اتحط فى القايمة منها: انه من ال anime القليل اللى قدر يخلى نوعية ال Mecha “الآلات” تبقى فعلا مهمة للقصة ، ممكن الناس تقول ليه محطتش Code Geass لأن Code Geass ممكن تشيل منه جزء ال Mecha و هيقلب على Death note و عارف انهم الاتنين نزلوا فى نفس السنة بس هنا بنتكلم على ال anime اللى استفاد اكتر بالاضافات ديه و التنوع و من مميزات ال anime انه جمع اكتر من حاجة سواء ال Mecha او السياسة او الاكشن المبالغ فيه او الكوميديا.

الفكرة: اتنين اتربوا تحت الارض فى قرية و اول اما طلعوا على سطح الارض مه واحدة هتنضلهم هيقوموا بمغامرة “استكشاف”.

 

9-Steins Gate

73199l

كان فيه احتمال كبير انى محطوش على القايمة و ده بسبب انه بطئ جدا فى اول 7 حلقات و ده هيخلى ناس كتير متقدرش تكمله بس اللى هيكمله سهل جدا انه يحطه فى قايمة احسن anime اتفرج عليه فى حياته سواء اتفقنا او لأ بالنسبة للدقة العلمية اللى فيه فالشخصيات اللى موجودة فيه و الاحداث اللى ممكن تعملك تخلى دماغك تتشقلب حرفيا كفيلة انه يبقى موجود على القايمة.

الفكرة: عالم مجنون باختراعات خرافية فى شقة عايش فيها مع اصدقائه فى يوم هيحصل حاجة هتشقلبله حياته!

 

8- Death Note

9453

 

مش عاوز اتكلم كتير عنه لانه مش محتاج تقريبا. معظم الناس اللى اعرفها اما حبيت اخليهم يتفرجوا على anime خليتهم يبدأوا بده ممكن نقول فعلا انه كان احسنله ينتهى عند الحلقة 24 و كان ممكن يتسبب فى شهرته اكتر لكن حتى مع ال 34 حلقة ،الجودة منزلتش كتير و حصل تطور مهم لبعض الشخصيات الجانبية و النهاية مناسبة جدا بالنسبة لسياق ال anime.

الفكرة: لو مش عارف بيتكلم عن ايه يبقى عيب… واحد لقى مذكرة و هيستخدمها عشان يحسن العالم بس فى اشخاص هيواجهوه و هيتحدوه….

 

7-Hellsing Ultimate

7333l

تقريبا ال Anime الوحيد المعترف بيه انه رجع قيمة ال Vampires سواء فى الافلام او المسلسلات… كل شخصية مكتوبة فيه بتمثل غرض مهم فيه و من الحاجات الكويسة انه مش معمول عشان اتنين يحبوا بعض او عشان واحدة مش عارفة تختار واحد من الاتنين.. هنا القصة فوق الخيال مما تتصور و المدى بتاع ال anime كبير يوصل لحرب فعلا الا الشخصيات اللى فيها متركز عليها بطريقة كويسة جدا و طبعا اسم البطل فى ال anime:

Alucard

الفكرة: شخصيات من عالم خيالي بس موجودين فى عالمنا.. شركة مخصصة لقتل كل الكائنات الخارقة اللى بتشكل خطر على البشرية.

 

6-Hajime no ippo

8833l

فيه كذا anime للرياضة معروفين عندنا اكتر منه سواء Slam Dunk او Captain Tsubasa “كابتن ماجد” او حتى اللى ظهروا الفترة المؤخرة Kuroko No Basket او Haikyuu الا Hajime no ippo هو الوحيد اللى قدر يجمع تطور الشخصيات و قصة ليها مدى حلو جدا و واقعية اختيار الاساليب من الحياة و تطبيقها فى ال anime مع جزء من الخيال… تقريبا ال anime ده هيحببك فى ال Boxing و هيخليك تقوم تتدرب فى اى حاجة انت عايز تعملها فعلا

الفكرة: واحد بلا موهبة… بس هيتكون عنده شغف كبير بال Boxing!

 

5-Cowboy bebop

p360101_b_v8_ad

قدر يجمع ما بين اسلوب الغرب فى سرد القصص و اسلوب اليابان فى التقديم معظم الحلقات الموجودة فيه عبارة عن قصة مخصصة لكل حلقة و مع ذلك فى قصة عامة و شاملة لل anime التركيز عليها بيبدأ فى الحلقة الخامسة لكن اللى بيخليه موجود على القايمة هو انسيابية اسلوب الرسم فيه و موسيقى ال Jazz و جمال الشخصيات اللى فيه

الفكرة: مجموعة من صيادين الجوايز عايشين على سفينة فضاء واحدة و كل شخصية ليه ماضيه اللى بيطارده!

 

4- Fate Zero

 

51KuoXYX9FL

ال animation تحفة، الشخصيات حلوة و متنوعة، القصة مش جديدة لكن طريقة التقديم و التنفيذ كفيلة انه يبقى على القايمة باختصار سبع اشخاص بيحاربوا بعض عشان يكسبوا “كأس” يحققلهم امنية هم عايزنها. فزى ما قلت الفكرة مش جديدة او تشدك من اول ما تسمعها لكن اما تخلصوا هتحس مدى عمق الشخصيات و جمال مشاهد القتال اللى فيه.. فوق الوصف.

الفكرة: سبع اشخاص هيتم اختيارهم وواحد بس اللى هيكسب الجايزة و يحقق امنية هو عايزها.

 

3-Monster

18793l

من غير كلام كتير عنه… ال Anime ده هيدخل جواك و هيحسسك بتعاسة و يأس و ان الدنيا سودة اوى هو 74 حلقة بس يستاهل القصة اللى فيه مش صعب تتخيل انها حصلت فى الحقيقة فعلا و انه مبنى مثلا على قصة واقعية… كل الشخصيات اللى فيه سواء اذا كانت موجودة عشان تتقدم بالقصة او عشان تبين كبر العالم اللى معمول فيه بسبب انتقالات الشخصية من مكان لمكان تانى.

الفكرة: دكتور بعد اما ينقذ حد معين من الموت حياته هتتقلب 180 درجة للاسوأ.

 

2- Full Metal Alchemist: brotherhood

Fmab-poster

طبعا كان اختيار سهل بالنسبالى انى احطه على القايمة سواء بسبب شهرته و انه معروف انه من احسن الاعمال لحد دلوقتى حتى مع وجود نسخة قبليه و عايز اعمل تزضيح بسيط النسخة اللى قبليه كانت احسن فى اخراج المشاعر بطريقة صحيحة جدا لكن فى الجزء ده ضحوا بيها نسبيا عشان يقدروا يكملوا القصة لكن ده ميمنعش انه مليان لحظات كتيرة جدا سواء حزن او فرح او كآبة او ادرينالين بيعدى فى جسمك.

الفكرة: أخين كل اللى عايزينه ان امهم ترجع للحياة تانى… فبيدروا على آثر معين عشان يقدروا يتغلبوا على قوانين العالم الموجودين الى فيه

 

1- Dragon Ball Z

p186420_b_v8_aq

بص لو انت مش مقتنع بيه و شايف انه اى كلام ديه حاجة ترجعلك طبعا مفيش جدال فيها لكن اللى ممكن تكون متعرفوش ان معظم ال anime اللى اتعمل بعديه كان علطول بياخد عناصر منه و يحطها عنده ده غير انه لحد دلوقتى بيتعمله أجزاء جديدة و Manga جديدة باسم Dragon Ball Super و غير انه موجود فيه اشهر Fight فى التاريخ و هو Goku Vs Freiza  و من اسباب  شهرته انه اطول Fight فى تاريخ ال anime عموما و بيحصل فيه تطور كبير للشخصية و بيظهر ملامح فيه للى ممكن يحصل بعد كده و كمان كمية الالعاب المبنية حواليه.

الفكرة: بص لو متعرفش فكرته يبقى مكنش عندك طفولة اصلا.. حتى لو متفرجتش عليه فاكيد سمعت عنه…. شخصية بتحذر جوكو من وجود شر جاى لكوكب الارض عشان يدمره!

 

 

كان فى احتمال احط Pokemon على القايمة بس انا شايف ان Pokemon كان تأثيره اكبر فى الصناعة نفسها اكتر من تأثيره على صناعة ال Anime! بس ده ميمنعش ان تأثيره ممتد لحد دلوقتى و ان شهرة Pokemon بتنافس شهرة Super Mario

 

هيبقى فى قايمة تانية ل anime المفروض يتشافوا بس حاليا هنكتفى بدول لحد دلوقتى فيه anime كتير جدا ممكن يكونوا احسن من دول فعلا بس انا شايف ان كل واحد من دول كان ليه تأثير معين سواء كسر الحاجز ما بين المسلسلات “العادية” و عالم ال anime او ان الميزانية اللى ممكن متسمحش بحصول حاجات معينة فى الافلام بسبب الميزانية و عشان كده بيقدروا ينفذوها بطريقة احسن فى المجال ده.


Seif Aldin

Advertisement