معلومات عن حدث ACE 3 Conventions – Heunicon!

كلنا من وقت ما كنا اطفال كنا بنحلم نبقى زي السوبر هيروز اللي بنتابعهم (وبسببهم بقى بيتقال علينا مجانين 😀 ) بس مع مرور الوقت بدأت تنتشر ثقافة الكوسبلاير في مصر والكوسبلاير هو شخ بيلبس لبس شخصية هو /هي بيحبها /بتحبها وبيتقمص الدور بتاعها سواء كانت الشخصية دي من الكوميكس او الانمي او لعبة اي شئ وبقى في ايفينتس للموضوع دا من ضمنهم هو ايفينت هيونيكون 😀

هيونيكون من اكبر ال Events  للانمى والكوسبلاى والالعاب فى مصر فى الصيف هيكون يوم 6 اغسطس من 1 حتى 10 فى ال Greek Campus مبنى الجامعه الامريكيه سابقا بالقرب من التحرير بنعمل ايه فى ايفنت هيونيكون ؟

هيكون الايفنت عباره عن جزئين جزء عال Stage وجزء فى انحاء المكان

المسرح “Stage”:
1- فى بدايه اليوم تعريف بسيط عن الايفنت واليوم
2- Cosplay Show: هنا الكوسبلايرز هيقدمو عروض تمثيليه او قتاليه عالمسرح
3- استعراض كوسبلاى وهنا الكوسبلايرز كلهم هيطلعو كل واحد 15 ثانيه يعمل اشهر الوقفات والحركات للشخصيه عشان هيتهرى شويه صور
4- فقره للغناء ودى ناس من الجمهور نفسه هيطلعو يغنو او يعزفو على اله موسيقيه حاجه من الانمى او اغانى سبيستون
5- هيكون فى فقره ستاند اب كوميدى عن الانمى
6- هيكون فى تحدى اسئله فى الانمى وصور مبكسله عليها جوايز للناس العتيقه فى الانمى استعدو وذاكرو هتبقا ملحمه
7- مسابقه AMV هيكون عاملها ناس من الحاضرين وهتعرض احسن 4 فى الايفنت
8- هيبقى معانا فرقه موسيقيه هتسمعنا اغانى سبيستون اللى بنحبها كلنا وترجعلنا الذكريات
9- هيبقى فى لعبه هتبقى مسخره شويه هنلعب ونتبسط فيها وهتبقا عباره عن ان اللى على الستيدج هيختار ناس عشوائي من الجمهور و يخليهم ياما يغنو او يقلدو شخصيه انمى او يقلد صوت شخصيه هتكون فقره اسطوريه فى الضحك واللى هيتم اختياره يطلع وميتكسفش

فى انحاء المكان:
1- هيكون فى مكان مخصص لنقل الداتا انمى او جيمز او حتى افلام ومسلسلات وهيكون فى مساحات ضخمه هات هاردك او لابك انقل لغيرك واملى جهازك
2- بطولات العاب ضخمه فى ناروتو وكلاش اوف كلان وليج اوف ليجن وهيكون عليها جوايز عاليه استعدو للمعركه
3- هيكون فى متاجر للانمى لاى حد عاوز يشترى هتلاقو كل اللى ممكن تتوقعوه او متتوقعوهوش من تيشيرتات ومنتجات واكسسوارت للانمى
4- هيكون فى كورنر لتعليق الرسومات هات معاك احسن رسومات رسمتها وهتتعلق وتذهل الناس اللى يشوفو ابداعك فى الرسم
5- هيكون فى مسابقه رسم كل الفنانين يجيبو ادواتهم معاهم عشان هيرسمو فى الايفنت وهيكون فى جوايز لاول5 مراكز

و Big Geeks هيكون موجود في الايفينت ك media coverage ليه منتظرين كل ال Geeks وال Otakus و ال Cosplayers هناك ^_^